平時多數時間在外國，回港見泰然評語不錯而且我常常去油麻地行街所以去試試。

先寫我喜歡㤗然的甚麼：
技師都是上了年紀的女士，都好温柔體貼。
每次都問我換好衣服沒有才進來。
又會問我冷不冷，要不要開電氈。
按到痛，我跟她們說她們也會改變力度，之後問我覺得如何。
其中一個還問我哪裡疲累，特別照顧我累的地方。
又會問我要不要拉根扭頸先做。
每次按完都很舒服，即使按痛了的地方，也覺得鬆軟了很多。
泰然會給客人倒茶，味道很特別，很好喝的。逛街逛到累，來一杯泰然的茶真是一件樂事。
地方不大但香港地少只要乾淨我也認為可接受。
 
我認為㤗然還可以有進步的地方：
有少少不足鐘。我比預約時間早了十五分鐘到但比預約時間遲了五分鐘才開始，但凖時完。我都知道那天比較多客人在出面等，不過作為客人當然不想少了五分鐘。
如果泰然可以在非繁忙時間按一小時也有一點點折扣我想我會光顧多點，因為我真的不慣按兩小時。
可能香港按摩比外國保守所以雖然我是女子，技師不會按臀部而且每次都要穿紙內褲，如果有得選擇就好了。

下次還會再來泰然。 


泰然  回覆會員

「Christabel，你好！

首先很感謝你光顧本店，對於 Christabel 是次的按摩體驗，我們很開心聽到你提出意見如喜歡㤗然貼心服務/我們的茶/師傅的手法等等!

關於足鐘(五分鐘)問題，我們會看緊師傅計算的時間，請放心！

至於想按位置及是否穿著我們店備有的衫褲，如果小姐有特別要求可以預先提出，我們師傅會作出相應安排。

非繁忙時間按一小時折扣事宜，因為暫時客人也很多(真的感謝你們支持啊!)，所以暫未有此優惠，不過往後如非繁忙時間有新的推廣我們會優先通知Christabel小姐啊。

再一次多謝Christabel小姐的光顧及意見呢！

泰然負責人」

 

 

book 了4-6pm, 3:48pm上到去,等到4:13pm有得入去換衫。老闆話server有問題,booking亂咗,只可以俾到個半鐘我。間舖環境係OK嘅,算乾淨同relaxing。技師論手勢都OK嘅,但係佢有幾次停晒手玩手機,又會同其他技師傾計,又有幾次佢無啦啦講幾句泰文,可能係用手機錄緊voice message吧。

按到中途,技師話而家有位,問我加唔加多半個鐘。我當時有少少猶疑,因為老闆話90分鐘夠我做全身,而且我當時已經做完上半身,做緊腳喇,但技師話我個背好硬,加半個鐘幫我鬆。

我好後悔加咗呢半個鐘,因為技師重複動作,係咁按我對唔攰嘅手,又叫我打側身按我頸側同手(一開始已經按過)。喺我打側身時,佢好hea咁抬起我一隻手,然後靜止咗,我知佢又玩緊手機! 呢次真係玩得太耐了,我忍唔住擰轉頭望住佢。佢終於收起咗部電話,然後同我按頭,膊,拉埋筋就完。始終無同我再按背.....

佢早咗5分鐘完。房間入面有鐘,4:15pm開始的,但技師按完出咗去,叫我換衫,我抬頭望鐘,先剛剛好6:10pm。

換完衫出嚟,同櫃枱講技師玩電話同唔足鐘,點知櫃枱話人客一個接一個嚟,所以一向會早3至5分鐘完喎。

其實你自己將啲booking排到密麻麻關我咩事?點解要我嚟承擔呢?我早咗到又遲咗入去都無怨言,你話server壞,得個半鐘就個半鐘,之後有人客放飛機我又肯加返半個鐘,估唔到得到呢啲對待同埋一個理直氣壯呃鐘嘅回覆。真係好後悔加咗呢半個鐘,好似自己攞嚟被人hea咁。唉,本身仲想喺度試推油同通淋巴,睇嚟又要花時間做research揀過第二間......

 

 

泰然  回覆會員

 

Nicole，你好！

首先很感謝你光顧本店，對於 Nicole 是次的按摩體驗，我們再次向你道歉！

根據本店的 CCTV 及師傅手機 Line 之記錄，當日師傅的確是有用過電話，但只是電話嚮了而師傅拿出來告訴對方正在忙於工作中，遲點再覆，然後就掛上電話。

發生是次事件，我們事後亦已向技師作出勸告，日後要更加注意相關事項，避免相關事情再次發生。

另外，近日小店之電腦糸統不時出現問題，本人已經加緊注意 server 的運作或更新，連日來使部份客人不便，在此作萬分歉意。本人誠意邀請嚴小姐以八折於任何時段重按兩小時，使嚴小姐一嘗泰然技師之技術。是次事件相信只是一個誤會，希望客人能多多體諒。

再一次多謝嚴小姐的光顧及意見！

泰然負責人

小妹光顧泰然已經一段時間了，從來只是在網上看留言，但自己又從不留言，這次非留言不可。
首先我不是網上打手，是一位喜歡按摩的人，從前是在深圳按摩的，近幾年留港消費較多，也有去其他按摩店，特別是泰式，也有發現其他泰式按摩店的慣性，這裡不而說太多。
泰然一向給我的感覺是有客戶服務的店，技師每個都很有經驗，有時候真的會痛，原因是太累關係，但一覺醒來就鬆了，其他店只是 hea做，有人竟然不知，泰然雖然沒有豪華裝修，但總算是一間清潔，企理的店，每次技師都會問我踩背可否，也會邊做邊解釋我身體狀況，小妹非常滿意她們的態度，泰然老闆也是一個有人情味的人，也有很多時候都聽到他送東西給客人，包括我呢！泰然也不會隨便加價，還有他們現在有一些泰式產品介紹，我也有用，也很好，真的值得推薦的一間按摩店。
小妹今次破例留言是因為看見樓下批評好像太主觀，或對泰式按摩不是太了解呢！泰然也退款了，還要寫到人家那麼差，跟本舆該店做事手法不乎，跟本就是攻擊，所以小妹覺得須要幫此店平反，我對泰然極有信心，會繼續光顧。 

之前都係返大陸深圳啲揼骨場揼骨, 可以過夜又經濟實惠, 早排想試下喺香港揼真係正宗泰國人揼嘅泰式按摩, 於是上網搵, 就搵到呢個網站, 揀咗地區, 比較咗啲場 / 價錢 / comment, 就揀咗泰然

 

間場都幾爆, 前一日星期四walk-in上去要幾個鐘後先有位, 第二日又係冇預約, 打電話去好彩我喺附近, 職員話即刻上去可以俾到位我

 

同啲留言所講, 間場聞到啲香薰味, 又聽到啲泰文歌

環境都ok, 職員nice, 技師好夠力, 都有啲大動作做, 由於今次第一次試去, 所以揀咗做一個鐘, 個技師話下次做1.5小時, 一個鐘做唔到幾多, 唔夠舒服, 不過其實嗰一個鐘我都鬆咗好多

 

算唔算正宗我就唔識分, 價錢同同區比較都係差唔多

返大陸揼骨就可以過夜同送多一兩個大堂服務, 但又要簽小費同時間來回

下次攰攰哋都可以再來揼下

工作好忙壓力好大，每次我周身骨痛，就去揼骨，我必到〔泰然〕鬆一鬆，減下壓。雖然環境並不華麗但勝在地點好，又舒服，又幹淨，服務態度一流，價錢非常合理。我(女人)係一個骨精好受力，最喜歡踩背其他按摩店沒有的古法手勢，而且師傅很專業，幫我鬆骨，又通淋巴，很正中泰式按摩。
我誠意推介各朋友來體驗一下。
多謝〔泰然〕老闆及師傅優質服務， 謝謝 !