pn1223
張貼於 4th Oct, 2013 12:09 am
評價: 
環境: 4
服務: 5
價錢: 4
編輯推介
Joanna
張貼於 29th Sep, 2013 6:30 pm
俾錢買難受
我第一次按摩係按到想彈鐘 幾想照比錢但唔按
但又諗住可能按第二個部位會好d
最後忍下忍下就忍完
其實頭15分鐘都唔對路
不但叫細力d細力d 但都係咁大力
我見上面facebook有唔少人有依個情況
好可能係同一個技師
叫佢細力 又係話唔大力d d筋唔會鬆
我去到一半真係好想喊
番到屋企 個肩膀好似唔係屬於自己咁
仲衰過未按
仲有
我覺得力度可能未必係最主要問題 （雖然都係問題）
問題在於按得唔到位
成日按左落d骨到
所以就算唔大力都好痛
同埋有幾下按手 佢按到我連d血都唔到前臂
成隻手麻痺左
按頸佢唔係按後頸d肌肉
係按喉嚨隔離
我依家個成身都好似比人打完咁
我去泰國大陸按都未遇過咁既情況
不過講句公道說話
個環境真係好好
好舒服 乾淨同靜
其實技師真係好好人好有禮貌
價錢唔算貴 有做足60分鐘 （雖然我好痛苦）
其實我同朋友上去
我朋友盛讚依間野
佢個技師超舒服
所以我唔會black list依間野
真係好睇運氣 睇下揀中邊個
如果有機會再去泰然
希望唔好再係同一個技師 但我又唔記得問個技師咩名
泰然 回覆會員
首先向Joanna致歉，對於你這次的按摩經歷，我們定必跟進及改善。
泰式按摩的力度是比其他按摩較為用力及多伸展的動作，有可能因應不同體質而出現不同反應。對於Joanna感到異常疼痛，亦已向技師要求放鬆力度但依然有強烈痛楚，你可向當值店長/負責人反映，又或要求更換技師，我們會立即跟進處理。
另一方面，我們十分感謝你對敝店環境及服務態度的欣賞。為答謝你的信任及支持，我們現特別提供全單8折優惠予閣下享用2小時全身泰式按摩，此優惠可於任何時段 (包括星期六、日及公眾假期) 使用及不限人數，希望Joanna你可和朋友一起感受真正舒適的泰式按摩！
最後，我們再次對Joanna這次的經歷致歉。為了確保更優質的服務，希望Joanna能向ZoneOneZone提供電話號碼(透過電郵)，並於來訪致電預約時，留下姓氏及已向Zone One Zone 確認的電話號碼，以便我們作更好安排，謝謝！
泰然負責人
評價: 
環境: 4
服務: 2
價錢: 4
編輯推介
RAINBOW
張貼於 4th Sep, 2013 4:39 pm
整體不俗，但細節決定價值，進步空間仍然很大
最近旅遊回港，一直很回味正宗泰式香薰按摩，
眼見泰然在網上的評價不俗，地點位置亦很方便，
星期一中午一時正便毅然踏上二樓的樓上店，1200-1500時段8折實在相當吸引，
按過門側的門鈴，傳來走音刺耳的音樂門鈴聲，相當突兀，
幸好進入店內後發現隔音做得不錯，與店外嘈吵的通菜街猶如兩個世界
室內裝修佈置明顯有花過心思，但似乎店內環境不大，
如果有意在繁忙時段光顧的朋友強烈建議一定要booking！
店內燈光偏暗，播著令人放鬆神經的輕音樂，
再配以檸檬草的香薰味，未開始按摩已經有舒緩神經的感覺了
雖然是walk in但慶幸自己不用久候便能開始了
我選的是泰式推油，技師看來像東南亞裔但卻操流利廣東話
價錢便宜但絕無欺場，的確是很正宗的泰式推拿，
不得不讚的是120分鐘內，技師完全沒有絲毫偷懶
除了每下都按到位，最令我欣賞的是技師按的節奏很快！
何謂節奏很快？就是沒有像一般按摩技師都慢慢的慢慢的推……五分鐘過去可能只按了幾十下而已～
所以，在這裡不論我怎樣堅持要保持清醒（睡了就很可惜了）
最後還是因為太舒服不禁睡了四五次以上……
但是，相當可惜的是，
在大概兩點的時間剛好踫上店舖購入的洗衣機送貨到了
結果除了不斷響了又響的走音刺耳門鈴聲……
還有因為門長開著，傳來吵鬧煩囂的通菜街人聲車聲地盤聲……
還有送貨工人們大聲呼喝配以粗俗髒話聲……
還有搬運時所發出的貨物踫撞聲……
結果，歷時了大概半小時的噪音有如精神折磨地讓我無法放鬆
最可惜的是浪費了技師的努力，白費了功夫
其實貴公司的營業時間由中午12時開始，有一整個早上的時間大可以安排在營業前辦妥送貨事宜的
雖然我明白貴公司亦不希望有如此情況出現
但畢竟顧客來消費的目的是希望能好好放鬆，所以唯獨這一點令人相當不滿
即使送貨工人離開後亦未能重新投入環境繼續享受了……
希望貴公司小心留意，明白經營生意的心血不能少實在相當費神
但行業競爭眾多良莠不齊，難得技師手勢環境服務優質價錢吸引，
如果能把細節都處理好，就絕對在行內十分出色優秀了
此外一點小小建議，請把門鈴換掉吧～
那是個令人哭笑不得的敗筆啊！
評價:
環境: 3
服務: 4
價錢: 5
編輯推介
TiffanyChan
張貼於 16th Aug, 2013 12:45 pm
淋巴有水準~不過有改善的地方
上個星期一晚walk in上左去做淋巴腺同腳底各一個鐘
其實一年前都幫襯過一次 當時我係做12-2pm所以有8折好抵
加上師傅都係岩岩上班 力都好d 連續兩個鐘都好比力
但係今次就有d問題 由於我第1次做晚上5-7點, 我對師傅係有期望因為呢排下半身同腳都好累 希望佢幫我減輕一下la
咁我就揀做淋巴先 淋巴果part真係做得好好,好舒服 同師傅都有傾有講 仲話下次做淋巴都搵番阿珍 因為做過幾次d師傅都好有水準一摸就知道你邊d位要通邊d位好塞
但係可能佢做左成日, 加上當日booking full 聽講full到晚上11點 佢幫我做完1個鐘都有d累 到做腳底果part真係無比力 我本身好受得力, 同埋對腳好緊,要大力d先舒服 但係做果陣同佢講左一次要加大力度, 不過唔知係咪佢聽唔到定點 無反應我再講一次 佢都係應左但係無出力 好似求其想快點做完咁 仲有成日望黎望去同其他師傅講野 我覺得如果效果好我對呢d事係無所謂 因為我只係抽時間想鬆下隻腳令佢減輕疲倦感 可惜我做完既感覺係同無做過一樣 每次就算做得無咁好 我都感覺到腳比人按過起碼都有d舒緩左, 但係今次係無呢d感覺 我覺得做唔到8折時段而又因為晚上師傅唔夠力而效果唔夠好 好似雙重損失咁 希望改善呢方面啦
仲有一樣就係佢做少左10分鐘 因為做完淋巴要換衫出入各樣令到腳底果part6點20分先開始 但係佢做到7點10分就停左手 其實我係想提醒佢 不過做腳底過程又叫過佢加力叫左兩次, 再叫好似有心留難佢所以都係算數
泰然 回覆會員
首先謝謝 TiffanyChan 的意見，查回記錄，可能由於當天本店 fully booking，店內有很多顧客，以致未能全面照顧每位客人的需求， 我們承諾日後會盡力控制人手上的問題。
為感謝 TiffanyChan 的一直支持及提供的寶貴意見，閣下可於 15 Sep 2013 (Sun) 前，免費享用1小時 (60 mins) 淋巴引流及1小時 (60 mins) 足底按摩各一次。為確保 TiffanyChan 能享受本店優質的服務，請於享用服務前致電本店預約，讓本店有充足時間準備。
期望您再次光臨本店時，可享受到盡善盡美的按摩體驗。
泰然負責人
評價: 
環境: 5
服務: 4
價錢: 4
編輯推介
pn1223
張貼於 11th Aug, 2013 12:55 am
安排了很好很夠力的技師, 技師一按就話我應該推油.
我話之前好似冇力咁, 佢話佢夠力, 好, 信佢!
真係好夠力, 按到一些平時好少按到的肌肉, 按完真係鬆咗!
評價:
環境: 4
服務: 5
價錢: 5
編輯推介
pn1223
張貼於 1st Aug, 2013 12:46 am
安排很好, 技師夠力, 會再去!
評價:
環境: 3
服務: 5
價錢: 4
pn1223
張貼於 2nd Jul, 2013 12:39 am
很久沒有來, 剛比賽完, 超攰, 所以打上黎碰運氣, 幸好有空檔.
服務差不多, 要等咗一陣咁啦, 係我早到啫.
今次試推油, 可能性質較溫柔, 下次都係泰式按摩算了.
要挑剔的是, 時間好似少咗十至十五分鐘 :(
泰然 回覆會員
首先謝謝 pn1223的意見，我們很明白您的心情，也很重視你的意見。
我們經營的宗旨是提供優質的按摩服務給每一位客人，特別在時間方面，我們向客戶承諾，我們1 part必定會提供1 小時足鐘的按摩服務給客人，時間只會有多，不會少，絕不會仿效坊間的一些店舖，1 part只有45 - 50分鐘，這個是我們是一直所堅持的。
查回記錄，pn1223發生這問題，可能由於當天是公眾假期，店內有很多顧客，以致未能全面照顧每位客人的需要，我們承諾日後會盡力控制時間上的問題，安排得更好。
為感謝 pn1223的一直支持，閣下可於31 Jul 前免費享用2小時 (120 mins)泰式按摩一次，為提供更好的服務，敬請先行預約。至於按摩師力量的問題，如 pn1223需要更強的力度，可指示按摩師，她們會盡力配合。
期望您再次光臨本店時，可享受到盡善盡美的按摩體驗。
泰然負責人
評價:
環境: 4
服務: 5
價錢: 4
編輯推介
Kate Chung
張貼於 7th Apr, 2013 12:47 am
全新感受
因為呢個網站，我已經幫襯咗泰然4次。因為每次師傅都唔同各有水準， 所以都仲係好滿意。今日約咗八點三做一 part 泰式按摩 ＋ 一 part 推油，唔知係咪天氣太潮濕，上床蓋住嗰條毛巾硬係好似未乾晒，有啲唔舒服少少凍。
頭一part按摩，呢個師傅手勢同程序完全同之前啲師傅唔同，所以唔係咁大信心，加上條毛巾唔係咁舒服。直到去到第二 part 推油，佢幫我鬆晒對腳同背脊，講真雖然幾痛但好似全身都放鬆晒無再緊，臨尾佢問我扭唔扭腰，我都係第一次，一扭“啪啪啪”三聲爽晒，原來都幾過癮。過程裡面佢一見到我身上面邊忽無毛巾蓋住，佢一定會即刻蓋返住好細心，仲問我駛唔駛開暖氣。一叫痛佢即刻減力，一定要大力按嘅地方，佢會叫我忍住，最後我好滿意呢個師傅!
不過毛巾方面真係要留意下，我都明白近來天氣比較麻煩，希望改善令其他客人更滿意咁享受。
「泰然」回覆會員
先多謝小姐的留言
當每次服務完客人之後，泰然的同事都會即時更換所有毛巾，務求達致清潔、衛生等目標，這亦是我們一貫的服務標準。
不論室外天氣如何，泰然所有同事都致力為客人營造一個舒適的環境。對於小姐上一次蒞臨時令閣下的消費經驗未能盡善，本人謹在此向閣下致歉。
小姐下次再光臨時，不論冷氣的溫度、燈飾的光暗、毛巾的狀況、師傅的手法等，閣下需要調節或更換，歡迎向泰然任何一位同事提出，我們會樂意並即時配合閣下的需要。
再次多謝小姐您抽空留言，鼓勵泰然的服務更進一步。閣下再蒞臨時，可獲贈排毒耳燭一對。期望您光臨時，會享受到盡善盡美的消費經驗。
「泰然」負責人
評價:
環境: 3
服務: 4
價錢: 3
編輯推介
arnok
張貼於 23rd Mar, 2013 12:12 am
呢度絕對值得推介，今晚同朋友按完，真係全身鬆晒。師父按得好好，服務亦都唔錯，我地耐無做按摩，搞到一度按一度叫，好在無俾人趕走~XD
一定會再去
評價:
環境: 3
服務: 4
價錢: 4
編輯推介
Fiona Kwan
張貼於 10th Mar, 2013 4:40 am
物超所值
經常幫襯，師父手勢非常好
評價:
環境: 4
服務: 4
價錢: 4
編輯推介
訓練完, 攰攰地, 試過的技師不在, 唯有試一位新的做推油,
力度欠少少, 按摩會好啲, 按到腋下攰位, 幫我按鬆咗.