Iris
張貼於 30th May, 2012 11:47 pm
接待職員態度親切有禮貌，師父手勢ok但手掌稍為粗糙，唔係咁舒服，而且時間掌握得唔係咁好，頭一個小時做古法按摩只係做到對腳，做對手時都有啲求其，好似趕收工咁，肩頸頭都冇做，之後一個鐘做推油，啲油都幾好聞，我同師父講我肩頸痛、好緊，佢都有幫我鬆，不過兩個鐘都冇按過我條腰，只係推油時揩過下。還有，師父病咗咳得好犀利，按按下又走咗出去不知做乜，好在後尾佢都帶翻個口罩。其實，呢個價錢咁平都唔會要求咁高，但起碼基本嘢都要做足，連腰都冇按又點算係全身按摩呢?
評價: 
環境: 3
服務: 3
價錢: 4
編輯推介
flashman
張貼於 25th Apr, 2012 2:43 am
店鋪地區方便的正宗泰式
我是男生, 因近日發覺有少許駝背及脊柱前凸(推拿能幫助我做伸展運動以作改善), 所以想找間在本地, 以及技術上的安全性、時間、地點都能配合我能經常去的。 無意中在搜尋器發現此網, 這亦是第一次光顧這間, 而我之前只在泰國及大陸有過泰式按摩經驗(中式不能深入拉到我的根)。更衣後正式開始, 感覺技師手勢很好, 落位100%準確, 每次出手都能按/拉中我的根, 最重要的是在踩背時, 她的體重及力度都合乎我所想的範圍。 技巧方面我較喜歡大動作, 但她可從我輕微的表情看出我可接受的幅度, 不用我開口, 這麼有經驗的, 真要值得一贊。下次我一定會定時去, 而且會問佢地多啲問題。因為長去的話當然要知多啲啦, 例如: 各種好處(網上好似沒介紹), 以及玩耐啲, 試試是否每個技師都是這平均啦。
評價: 
環境: 4
服務: 4
價錢: 5
編輯推介
泰然
張貼於 24th Apr, 2012 7:55 pm
回應Emily的留言
Emily，你好！首先感謝你光臨泰然，並喜歡我們的服務，我們會努力為大家提 供最好的服務。 憑Z1Z優惠券，無論新舊客戶惠顧均可享9折優惠。Emily未享9折 優惠，應該是在付款時，未能出示/未出示Z1Z優惠券而導致。
再一次感謝Emily的支持，期待你的再次光臨，下次光顧時我們一定會給予有關優惠。
評價:
環境: 5
服務: 5
價錢: 5
編輯推介
Emily
張貼於 21st Apr, 2012 7:10 pm
泰式推油 (推介)
值得一試~ 但最好先BOOK，咁就吾洗等啦!!
而我地兩個一早就BOOK左，總早左一個鐘去到，
原本諗住要坐底等等架，但都吾洗，負責人好好人即刻搵人幫我地做，
推完2個鐘油真係成個人鬆弛哂，好舒服，
我覺得特別適合坐係寫字樓既OL，膊頭按完冇咁緊LU，
另外幫我推油個姐姐好好人(正宗泰國人)，知我個膊頭特別緊同攰，
所以都出盡力幫我推同埋按(力度好適中)~ 係有D痛，但之後真係好爽，
總覺得個人經左，嘻嘻~ 之前見到D女仔吾係好敢做推油，
因為怕冇門，但其實推油會係獨立房度做架，我初初都怕
脫光光會有人吾覺行過會望到入面，但原來都吾會，
因為拉簾既兩邊會有兩個扣扣住塊簾架，所以我都好安全同放心，
下次都一定會再去架，價錢又合理，我地BOOK既時候話會用ZONE ONE ZONE既九折優惠卷，但我地兩個人每人推左兩個鐘，
應該係$168 x 4 = $672 (9折) = $$611.5架，但吾知點解比$700，找返$28既?? 吾係應該找$88.5?? = =
評價:
環境: 4
服務: 4
價錢: 2
編輯推介
sweet
張貼於 13th Mar, 2012 4:59 pm
值得推介的泰式按摩店
我之前一直都想搵一間正宗(沒有色情)的按摩店同朋友們去鬆一鬆,向來鍾情泰式按摩的我在網上睇到位於旺角有間標榜正宗泰式按摩店"泰然" 見佢既評語都唔錯,而且地點方便,做兩個鐘仲有九折, 於是上星期六就同朋友去試下!
其實去之前我已經打左好幾次電話去問關於優惠,地點, booking 時間, 師父...等等既問題, 佢地都不厭其煩咁逐一答覆,服務態度很好!
本來book左10:00p.m, 但我同朋友趕唔切, 要10:30p.m先去到, 我同朋友由10:40p.m 揼到12:40a.m真係足兩個鐘, 仲阻住佢地收工, 真係唔好意思!
一入到去佢地就會比杯茶飲下先, 之後有兩位師父攞個盆, 用暖水洗下對腳,之後先去按摩!
環境都幾舒服, 一路按,一路播著音樂, 個人好快放鬆!
幫我按的那個師父是較瘦的, 但師父好夠力, 師父feel到我縮, 就即刻望一望我, 自然就會細力o的, 都唔使我開聲, 到差唔多埋尾, 師父同我lok條腰, 但只係lok到左邊, lok唔到右邊, 之後就停左, 坐左o係到, 我當時心想:咁就做完喇?????? (因為我係遲我朋友約十分鐘左右先入房按摩的, 我去了洗手間, 無理由我朋友仲做緊, 但我就已經做完, 咁我諗住都係差十分鐘左右就算啦)
之後我朋友做完哂, 佢個師父就過黎幫我重新再lok一次, 連頸都lok埋, 真係好爽, 成個人鬆哂, 佢地真係一o的都唔求其, 佢知道我個師父無同我lok到就過黎幫我lok番, very good!
P.S. 如果按頭可以按耐o的就更加好, 因為好似按左一陣就無按, 唔係好夠喉, 哈哈!
我同朋友都覺得"泰然" 認真唔錯, 會再相約其他朋友再去鬆一鬆!
評價:
環境: 4
服務: 5
價錢: 4
編輯推介
pn1223
張貼於 11th Mar, 2012 2:23 am
相熟師傅未開工, 試吓另一位, 整體算ok, 中段曾經太舒服而瞓着咗.
要改進的是：師傅開段用耳機聽野, 但耳機常要整位,
未能集中精神去按, 幸好25-30分鐘後已進入狀態。
評價: 
環境: 4
服務: 4
價錢: 4
編輯推介
pn1223
張貼於 21st Feb, 2012 12:10 am
保持水準, 安心及放心地讓師傅去按...
評價:
環境: 4
服務: 5
價錢: 5
編輯推介
cynthia
張貼於 19th Feb, 2012 3:45 pm
已經去左唔記得幾多次
去過好多次,試過既店之中最貼心服務，水準又高既店....
平時我個人比較懶...覺得好都未必會特登去讚下...但係某日見到佢地受到無理投訴都咁有耐性去解決同please呢個客人,真係令我唔可以懶...
無論按摩師，booking既員工，每人都令我感受到佢地用"心"去服務同照顧客人，係好難得既事...亦係令我keep住光顧同介紹朋友既原因!
- 泰籍師傅手法正宗，會留意客人對力度等等既要求。
- booking負責人細心,即使book唔到,但有cancel等都會call番你。
- 見住佢愈來愈多人光顧,依然保持水準亦唔會刻意sell客人。
評價:
環境: 4
服務: 5
價錢: 4
編輯推介
泰然
張貼於 10th Feb, 2012 9:21 am
回應有關Lillian的留言
首先非常多謝Lillian的寶貴意見,我們一向都是以顧客為先,我們明白每個客人之須要,因此我們在服務方面都有一定標準及要求。
至於在設立易辦事或信用咭付款方式,因年費太貴,又不想因此將費用轉嫁到消費者身上,所以閣置此項目,但我們也正在尋找其他付款方式及友方協助.
其次就是房間用開簾是因為香港有關法例暫時未能容許小型足浴按摩場所加設門隻,因此只好用布簾, 但房內布簾已經加上左右兩個勾,供給布簾鎖上,使安全度大大曾加.
除著就是師傅問題,我店所有師傅都有合格證書之正式按摩師,他們在港和泰國都有一定訓練及經驗,他／她們都會配合客人之須要或身體當時的情況來調校力度,但客人如在必要時可以主動向師傅提出或向我們港藉同事提出須要力度調校,我們港藉同事都不時在大廳內等候客人是否有須要協助.
最後,有關嘈音及電話聲音方面,我們早已發現有此問題存在,我們一直都在計劃把收銀處移去一個適合位置, 希望客人能得到一個更舒適及寧靜之環境去享受我們的服務.
本人因此事誠意向Lillian致歉,沒有你們的意見,泰然就不能進步,所以希望能再次服務閣下,屆時希望能給你一個滿意答案.
就此事我店將會向Lillian送上排毒耳燭一對,包括連同閣下所帶之全部朋友都能獲一次送排毒耳燭一對,只須預約便可.
謝謝Lillian之寶貴意見.
評價:
環境: 5
服務: 5
價錢: 5
編輯推介
lillian
張貼於 8th Feb, 2012 8:12 pm
諗住遲D帶BF按摩,等佢relax吓,見呢間咁多人讚,所以試吓預先探路.
服務很好, 幾個哥仔都好好人, 我冇現金,老闆更2話不說叫我可以去atm再比佢,真係唔怕我走咗去,哈哈,不過有EPS/VISA就更好了
其實佈置係幾好的,感覺都有放D心機去令客人覺得舒服. 但我的房响reception area的對面,好多電話聲同對話聲, 加上房係冇門,只有簾,所以....真係幾嘈吓...真係唔太relax到. 同對女仔嚟講, 冇門之下做推油真係冇咩安全感,所以我只選咗按摩。
按摩方面,我覺得按上半身好過下半身,下半身有D按唔到位咁,但上半身都幾舒服.
評價:
環境: 2
服務: 5
價錢: 4
編輯推介